التفت لي يا هوى قلبي ووده
وارحم اللي ضاع في دنيا السراب
رحمة العبرات للذكرى تشده
قلبي المسكين في حبك مصاب
يسألوني عنك وينه وين حده
وين خلٍ رافقه قلبك وذاب
مسكنه في نجد أو غربي بجدة
أو خذاه الساحل الشرقي وغاب
عابر سبيل بغربتك لا ترده
لو يهيم بنظرتك بعد اغتراب
من طواق الشوق مثلي باح سده
في هواه احيا ولو زاد العذاب
من بنا جسر المحبة لا يهده
والغلا يحييه لو رش السحاب
وانت ياللي نور عيني لك موده
في ضميري تشرق بعمر الشباب