تفنن في طروق الحب شرقني وغربني.،
معك يا زين دوخات الهوى ويا حلو مشواره،
وغرد في سما سمعي ابي تحكي وتطربني.،
سواليفك مطر عمري.. ربيعي ضحكه ازهاره،
حبيبي يا بعد كلي وكلك صدق تعجبني.،
بغيباتك وصداتك وتلويعك وتكراره،
تجنن كل ما اشوفك احس انك تذوبني.،
وتضيعني من الدنيا.. وتشب بخافقي ناره،
جمالك ناهب قلبي وتفكيري وناهبني.،
دلالك يارقيق العود.. عود تعزف اوتاره،
تولعت بتصانيفك.. وتعذيبك يولعني.،
وعلى اي حال راضي بك شمس العمر وانواره،