المهرة راشد الفارس

مهرة تلعب على روس الجبال..

تلمـس الغيمـه وبارقهـا نـزل..

من بعيد أشوفها شمس الجمال..

مثل عطر الريح من شيح ونفل..

من يلوم القلب في ريم الشمال..

لا أبعدت في فرحتي كيف العمل..

صمتها عقل وثقل ماله مثال..

وأن حكت منطوقها مثل العسل..

ماخبرت ان الكحـل بالخـد سال..

رمشها من والـي الكـون أكتحـل

لي جمع ليل الفرح غتره وشال

والله انه عز ما مثله حصل

ساعة فيها الشعر غنى وقال

صوت مسحوب وتواصيف وغزل

واهني الروح في طيب الوصال

وا عناها لا انقطع حبل الأمل

اقفت بروحي ولا قالت تعال

العفو لو غبت وابديت الزعل