من هواني هويته ومن نساني نسيت..الجفا بالتجافي والوصل بالوصال
ومن رخصني رخصته ومن فداني فديت..بس محال اني القى مثل حبك محال
وحدك بسوق قلبي فيه بعت وشريت..وما احد زاد عنك في البها والدلال
كل شيء رضيته منك والله رضيت..وذقت انا المر منك يا حبيبي زلال
صعب تلقى بدالي عني لو رحت وجيت..البدر ما يبدل طلته بالهلال
ما يفيد الاماني دوم كلمة يا ليـــــــت..مثل من كاني يبني غايته في الرمال
كاس حبك شربته ولا منه ارتويت..كل ما غبت عني قال حبك تعال
عزة النفس دايم غايتي من حبيت..عمري ما ارخصت قلبي مهما في الحب مال