تعبت من طول السهر وانتظاره..ابستريح اليوم ماني بسهران
شفت الهوى يذوي عشت احتضاره..ولاني بموهوم ولاني بغلطان
هان الغلا يا كيف قفي نهاره..قالوا سلام الله على كل ما كان
كنت احسبك في ليل عيني مناره..واثرك وهم من يتبعك بات غرقان
قطعت حبل الود ماهي شطاره..توي عرفتك زين مافيك وجدان
ياما لعبت الود باسم الحظاره..وخنت الوفا وتستاهل وسام خوان
وادعي رح الفرح وتجرع مراره..واضحك على عمرك ترى كل شي بان
هزمتني لكن كسبت الخساره..والله ما تلقى عقب صدي انسان