وصلني جواب اليوم.. رد لجوابي
فوق الظرف مختوم.. بدمعة احبابي
جايب نبئ مرحولهم.. يرحل و ينزل
قاري اللي في عقولهم.. في اللوم يخزل
مرة يقول يبوكم.. ومرة يقول نسوكم
ومرة يجي مليان.. يخلط ويعزل
و مرة يجي بلسان.. بالريح يغزل
وصلني جواب اليوم..
وصلني جواب يقول.. مطلوب عاجل
تجيني مع المرسول.. ولو كان زاجل
من لهفته عرقان .. مبلول ظرفه
خايف من النسيان.. معقود طرفه
مرة يميح يمينه.. ومرة يميح يساره
ومرة يتعلا لين.. طق السحابه
ومرة يتوطى لين.. يرقى ترابه
وصلني جواب اليوم..
فتحت الجواب لقيت.. صورة قديمة
من نظرتي حسيت.. ذكرى عظيمة
الشوق القديم لقيت.. ايدي عليلة
عد النظر حسيت.. نفسي بعيدة
مرة نقول نواصل.. ومرة نحس يفاصل
ومرة نقول نرد.. رد المجافي
و مرات نقرا فيه.. والضي طافي
وصلني جواب اليوم..