هلا بك يا ذرا نفسي عن الاحزان والاوهام
هلا باللي غلاه بوسط جوفي سامي راسي
هلا بك يا عديل الروح هلا بك فوق صدري وسام
عديل الروح عندي بالجواهر مثل الالماسي
هلا بك شمعة تضوي لعين جفنها ما نام
على مد النظر يا كبر شوقي وانت نبراسي
قدومك لملم جروحي قدومك عالج الالام
وصالك يا منى عمري اقوى منه انا باسي
هلا بك بقدومك لخلك هلا يا محقق الاحلام
هلا بقدومك اعز انسان يملك جوهر احساسي
من الاعماق اهلي بك بقربك الهنا لي دام
ملكت إلى الكنوز اللي غلاها فيه نوماسي
لعلمك يا امل عمري بنا لو طالت الايام
ترى ما غيرك احد ساكن بالجوف من ناسي
ابيك تشوف بعيونك شقى عمري عليك العام
صدوق الود لعيونك ترى باعمق انفاسي