يابو جاسم اشوف الزين طبه متغيّر
وانا والله مدري يابو جاسم علامه
هو بالأول يجينا لى بغيناه يسيّر
ومن عوايد حبيبي ما يشح بسلامه
مااقدر امنع حسودي لا يجيهم ويسيّر
لكن اشره على المجمول يسمع كلامه
كنت انا ادمح خطايا الزين يومه صغيّر
لكن اليوم بحمله يابو جاسم ملامه
حار فكري وصدري من فعاله متحيّر
كان هو ما صفالي يا حياة الندامه
غير خلي انا مابيه ولا اقدر اغيّر
وإن تناسى بحبه لين يوم القيامه