الله اقوى تقل مايوم كنا حبــايب
شـوفة العين تقفي ماتقـول السلام
كل شخص حضرنا قال والله عجايب
ماتصـورت هاك الود يصبح خصام
كـفو الـلوم ياعذال مانيـب تايــب
لا تزيدون مابي فوق جرح الغرام
النصايح مبره ماخبرها طـــلايب
لاتعـذلون مااسمع في حبيبي كلام
غصب احبه لو اني شفت منه المصايب
الله اللي بنى له في فؤادي مـقام
حن قلبي على طرياه لو كان غايب
ماقطـع اليـاس دام الصبح قبله ظلام
اتـسبب عسـى ربي يقود السـبايب
يالله انك تبلغني عــزيز المـرام
تصـخر الزين للي ذاق منه المتاعب
راح عـمري شقاوي مااستــلذ المنام