ناس عيشتها ارتاحت.. وناس ريحتها فاحت
وناس بانت وعلت.. وناس في الزحمه تاهت
ناس بتسهر كل يوم.. وناس تقضي عشاها نوم
وناس بتطلع في العلالي.. وناس بتطلع م الهدوم
ناس طايره فوق البساط.. وناس عايشه حياتها اقساط
وناس لابسه حرير في حرير.. وناس نايمه على البلاط
انا لا عايز قصر ولا براح.. انا عايز اقف في طابور مرتاح
واجيبلي عيشي واروح بيتي.. وانام وانا ضميري مرتاح
لا عايز اشربها معدنيه.. كفايه عليا من الحنفيه
يا خوفي ليقطعوها عليا.. وافضل انادي واقول يا ميه