أتعبني الهجر لكن مانزل راسي وإنته بقلبي غلاك وعارف(ن) قدرك
إنته بطيبتك خذت القلب عن ناسي لين انتهى القلب يا محبوب في امرك
أقول أحبك يجيني ردك القاسي أدور رضاك وانته تعاند بهجرك
أهديك الإحساس تكسر خاطر إحساسي أقول صبرك ع قلبي مارضى صبرك
جلاسي الناس لكن وين جلاسي موجود معهم وجالس دون ماأدرك
أرحل عن الناس يملا القلب بموجاسي يامعذب القلب قولي اليوم شو عذرك
إن كنت ناسي تذكر يوم ياناسي ألفين سبعة يناير يوم في عمرك
ماكنت راضي ولكن قلت لاباسي ضحيت بأغلى حياتي بس ماضرك
لو كنت تبغي حبيبي تكتم أنفاسي أرضى بنارك واعيش العمر في جمرك
وإن كان همك حبيبك فيه لا تاسي يكفي المحبة ولو قطرة ندى تغرق
أرجوك أرجوك تلفي في المسا الماسي نتعانق بحب صدري فحضن صدرك
تبنى قواعد محبتنا على الساسي وأعيش مفتون يامزيون في سحرك
أنا لقلبك حبيبي الجوهر الماسي وانته هدية حبيبي حقي بكبرك
ياطيب الساس ودي رافع(ن) راسي وارفع حبيبي معايا راسك وقدرك