لا ترج روحي في الهوا رج ماني بناقص هم وازعاج
عواطفي ضميــا وتحتج تلعب بقلبي عــاد يهواك
ادخل وخل الهم يخـرج عطف وحنان الحب محتاج
مدري متى يا زين تفرج عن من رجاه بوصلك افراج
كنك على نبضي مبرمج همسك حنان و شوفك علاج
بنيت لجلك بالغلا برج وضلوع صدري سور واسياج
ان ناظرتني عينك احرج وتحطني في موقف احراج
كيف ان اذا قمت تبرج يخضع لحسنك لابس التاج
ان ناظرتني عينك احرج وتحطني في موقف احراج
كيف ان اذا قمت تبرج يخضع لحسنك لابس التاج
من لون خدعك نور مبهج والليل باهدابك والادعاج
كلك على بعضك تراك غنج خصلت يديلك منه للعاج