ياصاحبي مليت من كثر الاعذار... قلبي سمح ماعاد لي رغبة ٍ فيك
عقب الغلى بعناك بخس الاسعار... دور على غيري عسى الله يهنيك
عرفت قصدك عند ماجات الاسرار... وعقب الموده عفت شوفك وطاريك
احسبك مخلص وانت خاين وغدار... لاتعتذر والله ماعاد اصافيك
شاهدت بعيوني جميع الذي صار... ونسيت وقت ٍ فيه اقدرك واغليك
صفحتك عقب الود جا فوقها غبار... مادمت بايعني فلا والله اشريك
والدبله الي عندنا شبه تذكار... اهديتها لفلان من شان اجازيك
وما دمت قطّعت الموده بمنشار... اصبح طريق الشوق عسر المساليك
وابشرك احرقت صورتك بالنار... وارتاح قلبي عندما ولعت فيك