ليه يانور عيني كـل هـذا الصـدود

وين ذاك العهد يابو العيون الوسـاع

غبت عن ناظري لك تسعه اشهر وزود

غبت والقلب من بعدك وعيني صـراع

 

نحسب انك بتنسى كل ذيـك العهـود

يوم ممشاك لي ياقـرة العيـن بـاع

قبل يزين ماتسمـع كـلام الحسـود

وقبل يسقيك كاسات الجفـى والمنـاع

 

ياعديم الوصايف كل مافـي الوجـود

هان وارخصت روحي يوم حل الوداع

يااسمر اللون صبري قد تعدى الحـدود

لاتأخـر علـي يازيـن بالأجتـمـاع

 

والله اني على عهدك وعندي شهـود

ماعترض رغبتك يازين وامرك مطاع

والمثل قال بشر من يصيـد الفهـود

مثل ماصادهم ينصاد لو هـو شجـاع


مختارات من الصور من حول العالم