بشويش لى جيتي تقولين احبك
بشويش مانبغى المخاليق تدري
لاترفعين الصوت انا بجنبك
يكفي حياتي إني بك احس وادري
انا ادري إني ساكنٍ وسط قلبك
وتدرين حبك بالمعاليق يجري
مالي دروبٍ في الهوى غير دربك
ومن وين رحتي اجي يمك اجري..
الله ياهي قايده نار حبك
غزالةٍ في الحب تغتال نمر ِ
لا جيتي قبالي من الفرح اسبك!
عشان في راحتك بعدين قهري
واتيه في الدنيا على طول عذرك
ويطول ليلي ما يبي الليل يسري..
واقسى ضلوعي تحترق من مشبك
لا تلمسين الجوف يحرقك جمري
انا ماذبحني في الهوى غير حبك
انتي ملكتي باقي ايام عمري
ماهيب مره ياعمري الاف احبك
بشويش ماظنك تحبين كثري