يا صاحبي وش فيك خدك على الكف

كن الشقى عندك منور ركابه

والهم من حولك غدى اليوم ملتف

يرثى لحالك كل من هو درى به

روح ترى نهر الفرح داخلك جف

واترك اساك يمر مر السحابه

مارق لك جفن ولا غض لك طرف

من الذي غاب ابتلاك بغيابه

 

يا صاح بس تكفى علي لا تتكلف

القدر مش قادر يعي ما اصابه

لا تقول اش فيك بالله وقف

سبني مع حالي اراجع حسابه

ما فيني الا الخير اضحك واسولف

ومن خاب ظني فيه سديت بابه

مهما ضناني الوقت ما لين واضعف

عودت نفسي ع الجلد والصلابه

 

لا ما تجيبه حطت الخد ع الكف

ولا تهون غيبته هالكابه

ولا تفيدك ضربة الكف بالكف

او حسرة الخافق وكثر انتحابه

خلها على مولاك يحكم وينصف

باكر يجيبه لك مثل ما امس جابه

غلف همومك وحطها بعالي الرف

وعلم قليبك كيف حسنك يهابه

 

ما هو انا اللي اصفق الكف بالكف

والحكي مش لايق علي انتسابه

لكن هموم الدهر بالكل تعصف

الله يعين الادمي المبتلى به

وسر الهوى صعب على الناس يكشف

ومن يكشف الاسرار قول يا عقابه

ما هو جدير به وبي وانتوا اعرف

الصعب عندي سهل بارد جوابه

 

من هو يقول الله يعوض ويخلف

انساه من قلبك وانسى عتابه

واطلب من الله بالمحبين يلطف

ويعيد كل شي بالوفا ل نصابه

 

ان كان شفتوا دمعة العين تذرف

هذا دليل الصبر اش الغرابه

هذي الحكايه كلها وانتوا اعرف

خلاص تكفينا صريح الاجابه

 

باكر يجيبه لك


مختارات من الصور من حول العالم