من غيره انا مش عارفه ايه معنى الحياه
مابقيتش عايشه عشاني عايشه عشان لقاه
لازم اقولو لما اقابلو بحبو موت
الحب مش لازم يكون فيه كبرياء
طيب حنين قلبو زي بتوع زمان
من يوم ماشفته عرفت ايه معنى الحياه
ما اعرفش ليه مابقيتش خايفه من اللي جاي
مع اني قبل ما اقابلو ماعرفتش امان
انا حاسه روحي لقيتها فايتني
بشوف حياتي في نور عينيه
من غيره ايه في الدنيا دي بنخاف عليه
جوايا ليه شوق قد ايه اما محتجاله قد ايه
معرفش بس اكتر كتير من قد ايه
افديه بعمري واخلي عمره يكون هنا
وكل يوم عن يوم يزيد فيه حبنا
انا بتولد مع كل لحظه بكون معاه
طب لو هيبعد عني هعمل ايه انا
انا شفت جنه قبل منه ماشفتهاش
وبعيش معاه ايا في عمري ماعشتهاش
ولا كنت اصدق يوم هحبه الحب دا
واعرف معاني للحياه ماعرفتهاش
انا حاسه روحي لقيتها فايتني
بشوف حياتي في نور عينيه
من غيره ايه في الدنيا دي بنخاف عليه
جوايا ليه شوق قد ايه اما محتجاله قد ايه
معرفش بس اكتر كتير من قد ايه