ع البساطة البساطة و يا عيني ع البساطة
و قديش مستحلية أعيش جنبك يا أبو الداراويش
تغديني جبنة و زيتونة و تعشيني باطاطة
عم يحلم قلبي برجال طفران و درويش الحال
يعيشني باودة صغيرة ما فيها غير حصيرة
و لا بدي فراطة و لا مال
خللي لغيري الفراطة
خللي لغيري الفراطة
ع البساطة البساطة و يا عيني ع البساطة
و قديش مستحلية أعيش جنبك يا أبو الداراويش
تغديني جبنة و زيتونة و تعشيني باطاطة
ما بدي قصور و لا جاه بس بدي عاشق إهواه
يغمر قلبي بحب كبير و يعمرلي كوخ صغير
و قضي عمري انا وياه لا خناقة و لا شماطة
(موال):
قالوا السعد بقصوري ومالي
وبخزناتي الذهب طافح ومالي
ولما طل محبوبي ومالي
عشقت الفقر كرمال الحّباب
يابا.. ياااباي
---
ع البساطة البساطة و يا عيني ع البساطة
و قديش مستحلية عيش جنبك يا ابو الداراويش
تغديني جبنة و زيتونة و تعشيني باطاطة
بدي لقمة بشهية أكالها بشي برية
انا و حبيب الاحلام .. بغيبة شمس نروح ننام
نومة حلوة و هنية
لو كان فرشتنا بلاطة
ع البساطة البساطة و يا عيني ع البساطة
و قديش مستحلية أعيش جنبك يا أبو الداراويش
تغديني جبنة و زيتونة و تعشيني باطاطة