هبي بريحه ياهبوب الشمالي

كود الجنوب ومطلع الشمس تنصاه

 

ياما وياما فرقتنا الليالي

تجع مقيم وفرق البعد لاماه

 

خان الزمان بعشرته والليالي

وعزي لمن يصفق شماله بيمناه

 

سبحان ربٍ كمله بالجمالي

من مفرق الهامه إلى حد ماطاه

 

انه منول وامس واليوم غالي

وتالى زمانه بالغلا مثل مبداه

 

لا ابطيب ماشفته وهو ماعنالي

عفت المكان اللي يغيظه ويجفاه

 

شوفه دواي وقل شوفه زوالي

حكيم طب جامع داه.. ودواه

 

مابه من العذروب عنق الغزالي

إلا الزمان اللي حداني وعداه

 

عضيت بسرة اصبعي من هبالي

وونيت ونة من نقل داه برداه


مختارات من الصور من حول العالم